Një person ka qëlluar me armë ndërsa lëvizte me makinë. Të shtënat janë dëgjuar ditën e sotme në lagjen “Emin Matraxhiu”,në afërsi të urës së “Bakallit” në Elbasan. Policia njofton se është qëlluar me armë në ajër nga një mjet BMW në ecje, ndërsa fatmirësisht nuk ka të lënduar. Policia bën të ditur se mjeti BMW është gjendur i djegur në lagjen “Haxhias” të qytetit të Elbasanit. Nga verifikimet paraprake mjeti rezulton në pronësi të shtetasit B.B. Policia po punon për identifikimin dhe kapjen e autorit të kësaj ngjarje.