Është mbledhur Komiteti i Koordinimit dhe Menaxhimit të Emergjencave Civile në raport e analizë lidhur me situatën në vend, ku është raportuar situata aktuale në gjithë vendin pas reshjeve të shumta.

Kryeministri Rama ka marrë pjesë në këtë mbledhje ku u shpreh se deri tani situata është përballuar me sukses dhe për fat të mirë nuk ka pasur jetë të humbura. Kreu i qeverisë Rama përgëzoi të gjithë sektorët shtetërore për punën e bërë deri më tani.

Ndërkohë pas mbledhjes, në mesazhet e qytetarëve ka ardhur një mesazh nga Kryeministria, për të shtuar kujdesin gjatë situatës së reshjeve. Ne mesazh thonë se duhet të evitoni lëvizjet në zonat e prekura nga reshjet, afër lumenjëve si dhe kalimet në ura. Banorët pranë shtretërve të lumenjëve apo në zona që rrezikojnë përmbytje të jenë në gatishmëri në rast të nevojës për evakuim. Për çdo nevojë telefononi 112.