Një familje shqiptare në Toronto të Kanadasë është shuar si pasojë e një aksidenti tragjik të ndodhur pak ditë më parë. Viktimat e aksidentit janë Xhemile Vokshi 55 vjeç, Valbona Vokshi, 35 vjeç dhe Isabela Kuçi 5 vjeç; gjyshja, vajza e saj dhe mbesa.

Makina me të cilën udhëtonte familja shqiptare u përfshi nga flakët pas një aksidenti ku u përplasën disa automjete.

Në një automjet tjetër të aksidentuar, udhëtonin vajza tjetër e 55-vjeçares dhe djali i saj 2-vjeçar, por që fatmirësisht nuk pësuan lëndime të mëdha.

Valbona e cila drejonte dhe mjetin, kishte emigruar në Kanada prej 15 vitesh, atje kishte krijuar familjen dhe punonte me prindërit në një restorant.