Njeriu që u kap me mbi 800 mijë euro cash në automjet dhe me dy patentat e mjeteve lundruese të ish ministrit të brendshëm është lënë në burg nga Gjykata e Krimeve të rënda.
Vetë biznesmeni Sota dhe pala mbrojtëse kërkuan një masë më lehtësuese duke thënë se ndaj tij nuk ka prova. Sipas avokatit, mbajtja në burg e Sotës është një vendim i padrejtë, pasi shumën e madhe të parave, ia kishte dhënë babai i tij. Madje mbrojtja ofroi garanci pasurore për ndryshimin e masës dhe për lirimin.
“Orest Sota po mbahet padrejtësisht në burg, lekët i ka të babait. Prokuroria nuk ka asnjë provë, Sota nuk është marrë ende në pyetje” deklaroi avokati Fatmir Braka
Megjithatë edhe pasi kanë dëgjuar pretendimet e palës mbrojtëse, gjykata vendosi sërish të lërë të pandryshuar masën e ndaj biznesmenit.
2 Nov 2024 
