“Google” po planifikon të fusë në përdorim një aplikacion të ri që lidhet me pushimet dhe do të quhet “Destinacione”.

Gjithçka bazohet në informacione dhe të dhëna për vendet më të vizituara nga udhëtarë të tjerë. “ ‘Destinacione’ integron të kuptuarit e thellë të vendeve në botë. Ju mund të mësoni mbi çmimet e fluturimeve dhe hoteleve gjithashtu, njoftoi ‘Google’ në një postim në blog.

Motori gjigant i kërkimit erdhi me këtë risi pasi vitin e kaluar pati një rritje me 50 për qind të kërkimeve në “Google”  nga përdoruesit e telefonave sa i takon udhëtimeve.