Pak ditë më parë u bë me dije se hetimet për ish ministrin e brendshëm Saimir Tahiri u shtynë sërish me tre muaj.

Duket se Tahiri nuk ka ndenjur ''duarkryq'', pasi ka depozituar një padi tek Gjykata e Krimeve të Rënda ku ka ankimuar zgjatjen e hetimeve. Sipas tij zgjatja e procesit hetimor po bëhet me qëllim dhe se drejtësia po vonohet.

Ish ministri i Brendshëm, Saimir Tahiri ka qenë në hetim prej datës 27 tetor 2017 nga prokuroria e Katania-s ndërsa më në nëntor të vitit 2018, gjykata e Katanias shpalli pafajësinë për të.

Pavarësisht kësaj në Shqipëri çështja nuk po mbyllet.