Bllokohen mbi një ton e gjysëm marijuanë në Brindizi. Policia italiane arrestoi dy personat që e transportonin drogën, njëri prej të cilëve është shqiptar. Sipas mediave italiane sasia e drogës u zbulua në një kamion që udhëtonte në rrugën kombëtare nga Brindizi në Bari. Policia italiane kontrolloi kamionin pas devijimit që ky i fundit bëri nga itinerarit duke u futur në një rrugë dytësore. Ajo zbuloi në disa pjesë të kamionit të përgatitura posaçërisht 63 pako me marijuanë me një peshë mbi 1530 kilogramë. Sipas policisë italine lënda narkotike u përket sasive që mbërrijnë nga Shqipëria përmes hapësirës detare.