Për ekspertët e cështjeve politike, Samiti i Berlinit i dha zgjidhje tre problemeve që kanë ndezur skenën politike të Ballkanit.
Një prej tyre, ndarja e Kosovës përfundimisht u mbyll si cështje.
Pedagogu i shkencave politike, Florjan Cullhaj, tha se tre liderët, Rama, Vucic dhe Mogerini u tërhoqën nga ideja e ndryshimit të kufijve, ndërkohë që Shqipërisë iu refuzua hapja e negociatave.
“Ne nuk marrim negociata, njësoj si Kosova dhe Serbia. Duket se sinjalet e Holandës u lexuan qartë sidomos nga Macron”, tha profesor Cullhaj.
Përsa i takon integrimit të vendit në BE, ekspertët mendojnë se së pari duhet të rritet vigjilenca sa i takon cështjeve të brendshme që duhet t’I zgjidhim vetë.
“Opozita ka marrë vendimin më radikal duke djegur mandatet. Për mua është gjendje e jashtëzakonshme.
Por ajo duhet të përcaktojë një axhendë politike. Ndërkohë që nga ana tjetër mazhoranca po tregon kokëfortësi duke krijuar artifica që të shfaqë një situatë normale”, u shpreh gjatë emisionit “KafeIN”, pedagogu Florian Cullhaj.
Ndiqni intervistën e plotë në videon më poshtë