Shumë aeroporte në New York, Houston, Atlanta dhe Miami u prekën nga këto vonesa në një ditë pushimi për të gjithë Amerikën. Problemi kompjuterik u kthye në një çështje kombëtare për shkak të shtrirjes së pasojave në aeroportet më të mëdha amerikane. Ky problem shkaktoi vonesa që varionin nga 30 minuta deri në 2 orë për qindra njerëz që në vend të udhëtonin përfunduan duke pritur në radhë të pafundme njerëzish që nuk lëvizën me orë. Përdorues të Twitter ngritën në pikëpyetje mundësinë e një sulmi kibernetik, por nuk ekzistonin gjurmë që vërtetonin piraterinë kompjuterike.