Demokratët i rikthehen çështjes Tahiri. Nëpërmjet një shkrese dorëzuar në Kuvend Partia Demokratike kërkon ngritjen e një Komision Hetimor për çështjen e drogës dhe të Saimir Tahirit. Ka qenë Lulzim Basha ai që ka bërë publik këtë vendim, menjëherë pas mbledhjes së grupit kuvendor demokrat.
Lulzim Basha:
“Kjo kërkesë ka marrë dhe mbështetjen e grupeve të tjera opozitare dhe do të depozitohet ditën e sotme. I gjithë opinioni publik është i njohur me faktin se për dy vite me radhë ndërsa Shqipëria shndërrohej në një hambar të trafikut të drogës ministria e brendshme, kryeministri ishin në dispozicion zyrtar të informacionit se kjo bëhej vetëm përmes përfshirjes së drejtpërdrejtë të kupolës së policisë së shtetit dhe oficerëve të lartë në terren. Bëhej drejtpërdrejtë me bekimin, ryshfetin dhe bashkëndarjen e të ardhurave të drogës e drejtuesve të lartë të policisë së shtetit”.