2 persona janë vënë në pranga nga antikontrabanda dhe Hetimi Doganor. Mësohet se këto struktura kanë zbuluar një sasi cigaresh kontrabandë që hynin nga Kosova në territorin fjalë. Në pranga ka rënë poseduesi i mallit, shtetasi E.K me akuzën e “kontrabandë me mallra që paguhet akcizë”. Gjithashtu është arrestuar dhe doganieri B. Ç, me akuzën e shpërdorimit të detyrës. Siaps policisë doganieri nuk ka kontrolluar furgonin me të cilin shtetasi E. K kishte kaluar një sasi të konsiderueshme cigaresh në territorin shqiptar. Ndërkohë mësohet se janë sekuestruar cigaret kontrabandë të markave “Trokadero” dhe “Ronson”, si dhe një furgon që transportonte mallra nga Kosova në Shqipëri.
Njoftimi i policisë:
“Grupi i Antikontrabandës i stacionuar në aksin Qafë Morinë – Tropojë ushtroi kontroll në furgonin me targë AA967MG dhe konstatoi sasinë e cigareve të padeklaruara nga ky shtetas tek autoritetet doganore në Qafë Morinë.
Gjithashtu, në vijim të hetimeve të kryera lidhur me këtë rast, rezultoi se doganieri Bilbil Çuni nuk kishte ushtruar kontroll në mjet, duke shpërdoruar kështu detyrën”.