Tre partitë opozitare dhe një numër i madh qytetarësh tashmë kanë nisur të mblidhen para Bibliotekës Kombëtare të Kosovës për anulimin e marrëveshjeve me Serbinë e Malin e Zi si dhe për të kërkuar llogaridhënie nga ata që opozita konsideron ta kenë shkelur Kushtetutën e Kosovës.

Në kohën kur autobusët nga komunat anembanë Kosovës janë në rrugë drejt Prishtinës, deputetë nga koalicioni qeveritar i kanë bërë thirrje opozitës që të ulen në tavolinë për të biseduar, në vend se të dalin në rrugë për protestë.