Kryeministri Rama ka bërë publik dje faktin se nëna e tij, Aneta Rama, po përballet me një sëmundje shumë të vështirë dhe pradnaj ai tërhoqi çmimin “Nderi i Stomatologjisë Shqiptare”. Deputeti i PD, Edi Paloka është shprehur se Rama luajti rolin e viktimës dje në Vlorë ky bëri publik faktin se nëna e tij, Aneta Rama, po përballet me një sëmundje shumë të vështirë.

Në një postim në facebook, ai shprehet e kryeministri kur nuk bën dot “të fortin” dhe arrogantin luan rolin e viktimës që të ngjallë mëshirën e të tjerëve.

“I turpshem ne cdo akt qe ndermerr…Kur nuk ben dot “te fortin” dhe arrogantin, luan rolin e viktimes qe te ngjalle meshiren e te tjereve. Per hir te karriges eshte gati te perdore dhe familjen madje dhe duke sajuar situata te paqena sic beri ne emisionin e Eni Vasilit apo dje ne Vlore”- shkruan Paloka në facebook.

Ky reagim i tij erdhi pas fjalës së Ramës në ceremoninë e dorëzimit të titullit “Nderi i Stomatologjisë Shqiptare”, dhënë nga Urdhri i Stomatologut për Aneta Ramën.