Prokurorja e Përgjithshme e përkohshme Arta Marku ka firmosur ditën e sotme strukturën e re në organin e akuzës.

Siç raporton Ora News struktura e re përbëhet nga 4 drejtori të rëndësishme.

Bëhet fjalë për Drejtorinë Gjyqësore, Drejtorinë e Telekomunikacionit e Përgjimeve, Drejtorinë e Inspektimit dhe Drejtorinë e Dekriminalizimit edhe mbrojtja e dëshmitarëve.

Nga ana tjetër, mësohet se është shkrirë Drejtoria e Hetimit, pasi siç e parashikon edhe ligji i ri prokurorët janë të pavarur në hetime dhe vendimmarrjen e tyre e vlerëson gjykata.