Prindërit që ngarkojnë foto të fëmijëve të tyre në rrjetet sociale mund të paditen prej vetë atyre. Ky është ligji më i ri i miratuar në Francë, dhe nëse shkelet nga prindërit, mund të futen një vit në burg dhe të gjobiteni.

“Pas pak vitesh, fëmijët mund t’i dërgojnë me lehtësi prindërit e tyre përpara dyerve të gjykatave, për publikimin e fotove të tyre kur kanë qenë të mitur”, tha Eric Delcroix, një ekspert i ligjeve dhe etikës mbi internetin, për gazetën “Le Figaro”. “Fëmijët, në faza të caktuara të jetës së tyre nuk do të donin të fotografoheshin apo të paktën që fotot e tyre të bëheshin publike”, shton më tej ai.

Çdo i rritur që paditë prindërit për shkeljen e rregullave të privatësisë kur ka qenë fëmijë mund të kompensohet, thonë ekspertët. Në muajin shkurt, xhandarmëria franceze – e shqetësuar për sigurinë e fëmijëve – postoi një mesazh në Facebook, ku shkruhej: “Ju lutem, mjaft postuat foto të fëmijëve në Facebook.”