Seanca e jashtëzakonshme e ditës së sotme është zhvilluar për zëvendësimin e deputetes Jorida Tabaku me deputetin Gert Bogdani në komisionin “ad hoc” të vettingut, por si zakonisht lideri historic I të djathtës ka dalë pak nga rendi i ditës. Berisha mbajti një fjalim të shkurtër në nder të ish-kancelarit gjerman Helmut Kohl, i cili u nda nga jeta ditën e djeshme. Meta tha se në seancën e sotme nuk parashikoheshin fjalime, por sërish nuk e ka penguar ish-kryeministrin, për të cilin dihet se ka një “pikë të dobët”. “Sa të jem unë këtu, mos ki merak, por kur mos të jem unë si do ia bësh?” ngacmoi Meta me humor. Në fund të seancës u bë dhe betimi i Avokates së re të Popullit, Erinda Ballanca.