Ministri i Brendshëm, Saimir Tahiri publikon lajmin se deputeti demokrat, Gent Strazimiri ka dorëzuar në polici armën pa leje, të cilën e mbante në protestën tek liqeni. Në një pronocim për mediat Tahiri tha se zyrtarët e lartë nuk duhet të mbajnë armë, me përjashtim të rasteve kur ata kanë shqetësime.

Tahiri tha: “Lajm i mirë është që e dorëzoi sot armën. Nuk vazhdoi të ishte në paligjshmëri, shpresoj që të na kursejë në të ardhmen ai dhe çeta skenat e tubimeve, ku dhunohen punonjësit e policisë dhe deputetë të mbajnë armë. Në ligj kemi përcaktuar se funksionarë të lartë s'duhet të kenë armë nëse nuk kanë shqetësime”