Maqedonia pas dorëheqjes së kryeministrit, Nikolla Gruevskit vendos të mbajë zgjedhjet e parakohshme më 24 prill. Kjo u konfirmua ditën e sotme teksa eurokomisioneri për zgjerim në BE, Johanes Hahn zhvilloi takime me krerët e partive politike. Po kështu edhe zëdhënësja e Komisionit Europian, Maja Kocijanic ka bërë thirrje që palët politike të zbatojnë marrëveshjen e arritur më parë.
Kryeministri i përkohshëm i Maqedonisë do të jetë Emil Dimitriev. Ai do të drejtojë vendin në këto pak muaj dhe do të merret me përgatitjen e zgjedhjeve të parakohshme.
Pas krizës politike të vitit të kaluar e pas presionit opozitar me publikimin e përgjimeve, palët politike u ulën në bisedime dhe së fundmi arritën një marrëveshje për zgjedhje të parakohshme në pranverë të vitit 2016.