Kur është fjala për martesat e hershme,të njohura ndryshe si “martesa në djep’ të vijnë në mendje qindra raste të vajzave e reja, të cilat janë detyruar nga prindërit e tyre që të kthehen në vendin e origjinës për t'u martuar me një burrë që nuk e kanë takuar kurrë më parë. Por këtë herë rasti është edhe më i çuditshëm. Policia e South Yorkshire në Angli, ka ndërhyrë për të mbrojtur një djalosh 19-vjeçar, martesa e të cilit ishte mbajtur që kur ai ishte 5 vjeç. Ngjarja ka ndodhur më 19 qershor, dhe tani i riu është vënë nën mbrojtje, së bashku me tre vëllezërit tij më të vegjël. Për arsye sigurie, agjentët nuk kanë dhëna detaje të tjera në lidhje me identitetin e viktimës, duke mos zbuluar kështu as edhe origjinën e vendit nga e cila vjen familja e djaloshit.
Në vitet e para të jetës, djali ishte lidhur me martesë me një person që ai kurrë nuk e kishte njohur. Tani, në moshën 19-vjeçare, familja e tij po organizonte udhëtimin për të festuar martesën, por i riu nuk pranoi. Kështu ai filloi të marrë kërcënime, sepse ai nuk po "respektonte marrëveshjen" duke thyer kështu zakonet e vendit. "Ndërsa ne zakonisht marrin disa urdhra për mbrojtje të vajzave dhe grave të reja të detyruara që të bëjnë një martesë që nuk është përcaktuar nga ana e tyre," tha inspektorja e policisë Suzanne Jackson në një deklaratë për mediet. "Në këtë rast sinjalizimi ka mbërritur nga një mashkull "-u shpreh ajo. Policia ndërhyri dhe tani djali dhe tre vëllezërit e tij të rinj jetojnë në një vend të sigurt.

Në vitin 2014, Britania e Madhe u mori vendimin për të dhënë urdhër mbrojtjeje për të gjithë personat që janë të detyruar të martohen kundër vullnetit të tyre. Ata që duan t'i detyrojnë të martohen, mund të marrin një dënim deri në shtatë vjet burg. "Martesa e detyruar është si të gjitha rastet e abuzimit. Ajo nuk është vetëm një akt kundër ligjit, por është edhe e dëmshme për jetën e viktimave, të cilat shpesh janë të detyruar të pranojnë abuzimin", përfundoi Jackson.