Liderët Botërore janë takuar me njëri-tjetrin në samitin G20 në Hamburg të Gjermanisë.

Pjesë e këtij takimi ishin edhe Donald Trump dhe Vladimir Putin, dy njerëzit më të pushtetshëm në botë, ku kanë zhvilluar takimin e tyre të parë.

 “Është nder që jam me ju”- tha Trump fillimisht, ndërsa Putin iu përgjigj: “Kënaqësi që takohemi”, raporton BBC. Pas takimit, Donald Trump tha se me presidentin Putin ka biseduar për tematika të ndryshme duke përfshirë edhe përmirësimin e marrëdhënieve mes dy vendeve.

“Me presidentin Putin kemi diskutuar tema të ndryshme. Presim të ndodhin gjera pozitive për SHBA-në dhe Rusinë”- tha Trump. Ndërkohë edhe presidenti rus ka shprehur kënaqësinë për takimin, ndërsa ka thënë se për çështjet e rëndësishme ka folur në telefon me Donald Trump.