Përkrahësit e opozitës u përleshën me policinë shqiptare jashtë parlamentit të hënën në Tiranë. Euronews shkruan se “demonstruesit po përpiqeshin të prishnin një votim për emërimin e një prokurori të përkohshëm, që ata besojnë se është "antikushtetues". Protestuesit hodhën bomba tymi në polici të cilët kishin për të shtyrë njerëzit mbrapa pasi ata thyen një kordon të parë të sigurisë. Mediat lokale njoftuan se disa njerëz u plagosën. “Bomba me tym në parlamentin shqiptar kundër votimit. Parlamentarët shqiptarë të opozitës kanë protestuar kundër emërimit të përkohshëm të një kryeprokurori nga partia qeverisëse. Por taktikat e tyre me tym-bombë nuk ishin në gjendje ta parandalonin zgjedhjen e prokurores”-shkruan DW.

Euronews shkruan sesi rrodhën ngjarjet brenda dhe jashtë parlamentit. “Nga brenda, ligjvënësit e opozitës gjithashtu hodhën bomba tymi brenda parlamentit për të devijuar votën, por ligjvënësit qeverisës ishin ende në gjendje të mbanin votën dhe të zgjedhin Arta Marku si kryeprokurore. Opozita bojkotoi votimin. Ligjbërësit e opozitës pohojnë se parlamenti nuk ka të drejtë të zgjedhë një prokuror të përkohshëm të përgjithshëm dhe duhet të presë për krijimin e komisionit për ta bërë këtë”-shkruan Euronews. “Jashtë parlamentit, rreth 3,000 protestues që mbanin flamuj të BE dhe SHBA bërtitën slogane anti-qeveritare dhe dënuan emërimin e Markut, të cilin e quajtën jo kushtetuese. Në një moment, turma shpërtheu përmes vijës së sigurisë para ndërtesës, por policia e shtyu atë përsëri”-vijon DW. Shqipëria është anëtare e NATO-s që nga viti 2009, iu dha statusi i kandidatit të BE në vitin 2014 dhe shpreson të nisë negociatat vitin e ardhshëm.