Arrestimi i Ramush Haradinaj në Francë ka shkaktuar shumë reagime në të gjithë vendet ku ka shqiptar. Reagimet nuk kanë munguar as nga politikanët në Shqipëri dhe ata në Kosovë.

Kryetari i Kuvendit të Shqipërisë, Ilir Meta ka zhvilluar një vizitë në selinë e Aleancës për Ardhmërinë e Kosovës, ku është pritur nga funksionarë të lartë të kësaj force politike.

Meta ka thënë se Haradinaj asnjëherë si ka ikur drejtësisë derisa ka përkujtuar kohën kur lideri i AAK ishte përballur edhe me padrejtësi.

Me këtë rast, Meta ka shprehur pakënaqësitë e tij dhe solidaritetin pas arrestimit të liderit të kësaj partie, Ramush Haradinaj, nga autoritetet franceze.

“Arrestimi i Haradinajt ishte akt befasues dhe shokues”, ka thënë Meta.