Shërbimet kabllore dikur kanë qenë shumë popullore. Sot këto shërbime po vazhdojnë që të humbin përditë klientë falë Netflix. Arsyeja është mjaft e thjeshtë. Netflix kushton më lirë dhe ka një shërbim më cilësor plot me materiale origjinale. E shumata e njerëzve që vazhdojnë të paguajnë shërbimet kabllore në Shba shprehen që nëqoftëse ata do të gjenin një opsion tjetër për të parë sporte live, padyshim që do të mbyllnin kontratën. 73% e amerikanëve që kanë një lidhje broadband në shtëpinë e tyre deklarojnë që janë të abonuar në Netflix. Kompanitë tradicionale të kabllorëve duket se do të kenë mjaft probleme në të ardhmen pasi me kompani si:Google, Apple dhe Amazon që po hynë në garë, mbijetesa do të bëhet përherë dhe më e vështirë.