Një vajzë 13-vjeçare në Misisipi ka vdekur pasi u qëllua nga vëllai i saj nëntëvjeçar dhe shkak për këtë u bë një lojë video. Policia sqaroi se djali rrëmbeu një armë të shtunën pasdite dhe qëlloi mbi motrën e tij pasi ajo nuk po hiqte dorë nga kontrolluesi i videos. Ai e qëlloi nga prapa dhe plumbi hyri në trurin e motrës. Një sherif lokal njoftoi të dielën se 13-vjeçarja kishte vdekur në spitalin e Memphis. Ende është e paqartë se si djali e mori armën. Është gjithashtu e paqartë se me çfarë do të përballet fëmija. " Supozoj se ai e ka parë këtë në video games ose TV. Ai është vetëm nëntë vjeç," tha Sheriffi i Monroe, Cecil Cantrell. " Unë nuk e di saktësisht se çfarë do të bëhet me të, por kjo është një tragjedi"-u shpreh ai. Nëna e fëmijëve ishte në një dhomë tjetër, duke përgatitur drekën për fëmijët e tjerë në kohën e incidentit. Policia ende po heton rrethanat e të shtënave, duke përfshirë armën, një pistoletë e kalibrit 25, si arriti fëmija ta siguronte atë. "Ky është një terren i ri për ne. Nuk jemi përballur kurrë me një fëmijë që gjuan dhe vret një fëmijë tjetër, në moshën nëntë vjeçare ", tha Sherif Cantrell për shtypin lokal.