Presidenti i Shteteve të Bashkuara të Amerikës, Barack Obama zhvilloi në shtëpinë e Bardhë një homazh në nder të “zërit unik”, Ray Charles, që vazhdon të ndikojë brezat e muzikantëve.

Performanca në Shtëpinë e Bardhë, e fundit e këtij cikli të administratës Obama, u bë më e gjallë kur vetë kreu i SHBA-ve mori mikrofonin për të kënduar dhe vallëzuar nën shoqërinë e zërit të këngëtarit Usher.

Presidenti, i cili e ka quajtur Ray Charles një nga muzikantët e tij të preferuar, dha prova të aftësive të tij vokale, duke rënë dakord për të kënduar së bashku me artistët dhe vallëzuar pranë bashkëshortes së tij.