Fruthi rikthehet në shumicën e vendeve europiane. Organizata Botërore e Shëndetësisë është alarmuar pasi rastet e fruthit në Europë kanë shënuar një rekord të lartë. Afro 41 mijë persona janë infektuar në gjashtë muajt e parë të 2018-ës dhe 37 prej tyre kanë humbur jetën nga komplikacionet e tij. OBSH po i bën thirrje vendeve europiane të marrin masa.

OBSH rekomandon që të gjithë fëmijët duhet të bëjnë vaksinën e fruthit në vitin e parë të lindjes dhe pastaj edhe para fillimit të shkollës. Për momentin Ukraina dhe Serbia janë ndër vendet me normat më të larta në Europë.