Policia ka arrestuar një simpatizant të Partisë Demokratike në fshatin Zezë të Krujës, pasi dyshohet se do u shpërndante para komisioneve dhe vëzhguesve demokratë.  
Në pranga ka rënë B.K, 30-vjeç, banues në Krujë. Ai u pikas, pas një përplasje fizike me një përfaqësues të një force tjetër politike.
Gjatë kontrollit të ushtruar ndaj tij, policia i ka gjetur shumën e parave prej 4 milionë lekë të cilën ai dyshohet se do ua shpërndante komisionerëve dhe vëzhguesve në Qendrën e Votimit të fshatit Zezë.