Një asteroid i madh, i vërejtur për herë të parë para dy viteve kur kaloi pranë Tokës, pritet që të kthehet përsëri më 8 mars.

Llogaritjet fillestare të NASA-s treguan se asteroidi mund të kalojë pranë Tokës vetëm 17,000km distancë, që është rreth 21 herë më afër Tokës se hëna, por NASA pranoi se kjo llogaritje ishte e gabuar, pasi asteroidi do të kalojë pranë Tokës 14 milionë km.

Tani një parashikim i ri thotë se ky asteroid do të fluturojë vetëm 5 milionë kilometra larg planetit tonë.

“Ne e dinim tashmë se ky asteroid, 2013 TX68, do të kalonte sigurt pranë Tokës në fillim të marsit, por këto të dhëna shtesë na tregojnë më qartë dhe më saktë distancën e tij”, tha Paul Chodas, menaxher i CNEOS.

Këto të dhëna tregojnë se ky asteroid do të kalojë pranë Tokës shumë më larg se që ishte menduar.