Ministrja e Infrastrukturës dhe Energjisë Belinda Balluku në një konferencë për mediat foli lidhur me zbulimin e rëndësishëm të naftës në Bllokun 2 dhe 3 në zonën Shpirag të Qarkut Berat.

Sipas ministres Balluku ky është një lajm i mirë për ekonominë shqiptare pasi është dhe zbulimi i parë i një vendburimi të ri të naftës në 30 vjetët e fundit në Shqipëri.

“Në këto zona parashikohet të nxirren 18 000 fuçi në dite nafte e papërpunuar. Shteti përfiton rentë minerare, tatim mbi fitimin që në fuçinë e parë“, tha Balluku .

Shpimi në pusin “Shpiragu 4”, i ka kaluar 6 mijë metrat. Testimi konfirmoi potencialin e sasive të naftës në këtë zonë ku llogariten të nxirren mijëra fuçi në ditë.

Testimet do të kryhen edhe në puset e tjera të Shpiragut për të përcaktuar rezervuarin e plotë të naftës. Pasi të behet vlerësimi do përcaktohen dhe zonat e nxjerrjes së naftës.