Kryeministri Rama ka folur sonte për përgjimet dhe për dorëheqjen. Duke qënë se jemi pranë zgjedhjeve të 30 qershorit ai sqaron se nuk mund të dorëhiqet sepse do të fitonin ata që janë me 'politikën e vjetër'.

'Nëse do të dorëhiqesha do të fitonin këta, jo këta si parti, por kjo politikë', tha Rama në emisionin Përballë me Lutfi Dervishin. 

Ai solli në kujtesë dhe marrëveshjen e 17 majit të 2017.

"Rikthimi i opozitës në politikë nuk është çështja ime. Çështja ime do të ishte nëse unë do të pengoja opozitën të vinte në parlament apo të pengoja punën e tyre. Nga ana tjetër mos e harroni, unë jam njeriun që e kam bërë një lëshim të madh dy vite më parë. E kam bërë dy vite më parë dhe kam parë që nuk dha rezultatin për të cilin u bë ndaj pse duhet ta bëj sërish", përfundoi Rama.