Kritikë e fortë nga Berlini për samitin e presidentit turk, Erdogan me homologët Vladimir Putin e presidentin e Iranit, Rohani. "Një samit lufte" e konsideroi ministri gjerman i Shtetit në Ministrinë e Jashtme, Niels Annen shkruan Deutsche Welle.

‘Të tre palët janë përfshirë ushatrakisht në luftën në Siri, por nga takimet e deritanishme të këtyre presidentëve jemi zhgënjyer, pasi nuk kanë kontribuar në një zgjidhje politike ,parë hollë ky është samit i luftës", tha Annen.

Këtë të mërkurë presidenti Erdogan, Vladimir Putin dhe presidenti iranian, Hasan Rohani diskutuan në samitin e Ankarasë për mënyrën e mëtejshme të veprimit në Siri.

Rusia dhe Turqia qëndrojnë në konfliktin e Sirisë në palë të kundërta. Ankaraja mbështet rebelët, ndërsa Moska si Teherani presidentin, Bashar al-Asad.

Ndikimi i këtyre tre vendeve me gjasë mund të rritet në Siri, ndërkohë që presidenti, Trump ka bërë të ditur se së shpejti do t’i jap fund misionit në Siri.