Dy turistë italianë figuronin të zhdukur prej 24 orësh pasi kishin humbur rrugën në malin e Çikës në Himarë, mesditën e djeshme. Shtetasit italianë, L.R,26 vjeç, dhe P.C 31 vjeç janë nisur për piknik më datë 30.04.2016, në drejtim të Malit të Çikës – Himarë dhe ditën e djeshme kishin planifikuar të zbrisnin në fshatin Dhërmi, por në zbritje të malit ata kanë hasur në një terren të vështirë, duke ngatërruar rrugën e kthimit dhe për këtë qëllim kanë kërkuar ndihmën e policisë.

Menjëherë pas marrjes së njoftimit nga vetë turistët, Policia e Vlorës, me ndihmën e “Delta Force”, “Guardia di Finanza” janë organizuar për t’iu ardhur në ndihmë 2 turistëve të cilët u gjetën ditën e sotme në mal, ditën e sotme kanë bërë të mundur gjetjen e tyre në mal, ku kishin rrëshkitur për shkak të lagështirës në një shpellë rreth 70 m të thellë, dhe janë nxjerrë prej andej me ndihmën e litarëve, materiale me të cilat ishin pajisur këto shërbime për shpëtimin e tyre.

Turistët janë dërguar për ndihmë mjekësore në spital por ata janë paraqitur në gjendje të mirë dhe nuk kanë patur nevojë për trajtim mjekësor.