Qeni është cilësuar si kafsha më besnike dhe kjo bëhet më e qartë sidomos nëse sheh videon kur i zoti i tij është person me aftësi të kufizuar. Një moment prekës ku një burrë në një karrige me rrota shtyhet nga qeni i tij. Kjo ngjarja ka ndodhur në Filipine ku Danilo Alarcon është filmuar teksa po ecte në rrugë i ndihmuar nga kafsha e tij shtëpiake. Në pamundësi për të ecur vetë, apo ta ndihmonte ndonjë person tjetër, atij i ka ardhur në ndihmë qeni duke i shtyrë karrocën me kokë. Alarcon nuk ka qenë në gjendje të ecë që kur ka pësuar një lëndim në shtyllën kurrizore në një aksident me motor disa vite më pare dhe i vetmi që i qëndron besnik është qeni.