Një automjet është përplasur me një bordurë rruge pasditen e sotme në Prezë, ku për pasojë ka marrë edhe flakë.

Policia bën me dije se rreth orës 16:43, në Prezë, mjeti me targë AA724OM me drejtues shtetasin S. D., rreth 70 vjeç, është përplasur me bordurën.

Sipas policisë, drejtuesi i mjetit, shtetasi S. D., është nxjerrë menjëherë nga mjeti dhe është dërguar për mjekim në spital në gjendje të rëndë shëndetësore.

Grupi hetimor po punon për zbardhjen e shkaqeve dhe rrethanave të përplasjes.