Kjo është java vendimtare, ka deklaruar kryetari i opozitës, Lulzim Basha në takimet e tij në rrethe sa i përket protestës së paralajmëruar në Tiranë, më 16 shkurt. E ndërsa pritet të qartësohet me detaje skenari i opozitës për zhvillimin e protestës, Sekretari i Përgjithshëm i Partisë Demokratike, Gazment Bardhi, ka bërë një mesazh qetësues për qytetarët që duan të protestojnë më 16 shkurt para Kryeministrisë. 

“PD ka për detyrë të garantojë sigurinë e qytetarëve në protestën e 16 shkurtit dhe do ta bëjë këtë. Mënyra, forma, elementët që njerëzit zgjedhin për të protestuar janë zgjedhja e tyre”, ka thënë Bardhi një një emision televiziv.