Për sulmin me armë ndaj gazetares së njohur Klodiana Lala, ka reaguar dhe kreu i shtetit Ilir Meta.

Presidenti përmes një bisede telefonike ka dënuar ashpër aktin dhe ka shprehur mirënjohjen dhe e ka inkurajuar gazetaren e kronikës që të vijojë misionin e saj.

“Po kështu inkurajoj organet e sundimit të ligjit të hetojnë në mënyrë të plotë dhe shteruese, këtë ngjarje të rëndë, e të venë para ligjit këdo që qëndron pas saj.

Liria e medias është kusht i pazëvendësueshëm për garantimin e të drejtave të njeriut në një shoqëri demokratike”, nënvizoi Presidenti Meta.