Prestigjiozja britanike, “Express”, i është rikthyer çështjes së integrimit të Shqipërisë në Bashkimin Europian. Edhe pse është vendosur Qershori i vitit të ardhshëm si datë për hapjen e negociatave, kjo e përditshme shkruan se, vendet anëtare duket se janë të bindura t`a bllokojnë anëtarësimin e Shqipërisë. Shkrimi i “Express” mban titullin: “Pengohet kandidimi për anëtarësim në BE i Shqipërisë, Brukseli dënon korrupsionin dhe kanabisin”. Sipas britanikes, në krye të vendeve që kërkojnë të bllokojnë hapjen e negociatave me Shqipërinë, qëndron pikërisht Franca, vend i cili gjithmonë ka shprehur rezerva në lidhje me anëtarësimin e vendit tonë në familjen e përbashkët europiane. Ky shtet ishte gjithashtu një prej vendeve që i mëshoi shumë fort idesë së shtyrjes me një vit të datës së çeljes së negociatave, që do të duhej të ndodhte që në Qershor të këtij viti.