Seanca për dhënien e pretencës nga Prokuroria për Klement Balilin, i njohur si “Eskobari i Ballkanit” është shtyrë për në datën 26 mars.

Seanca ishte parashikuar të zhvillohej sot, por ka munguar avokati mbrojtës i Balilit, ish-kryeprokurori Theodhori Sollaku por edhe vetë Balili.

Gjykata e Krimeve të Rënda do të procedojë me gjykim të shkurtuar për Klement Balilin.

Ndaj Balilit rëndojnë 4 akuza ku më e rënda është ajo e trafikut ndërkombëtar të lëndëve narkotike.

“Eskobari i Ballkanit” u vetëdorëzua më 17 janar në polici, një ditë pasi në Gjykatë u dërgua dosja e tij, ndërsa rezultonte i shpallur në kërkim që në maj të vitit 2016.