Sekuestrohen 1323 kg kanabis në aksin rrugor drejt Zvërnecit e cila po përgatitej që të trafikohej me gomone drejt Italisë.

Policia ka pikasur dy automjete dhe një mjet lundrues në aksin rrugor Triport-Zvërnec, të cilën e kanë ndjekur.

Kur personat që ishin brenda makinës e kuptuan se u zbuluan kanë braktisur mjetin dhe duke përfituar nga errësira kanë mundur ti shpëtojnë policëve.

Nga kontrolli i ushtruar, policia ka konstatuar mjetin tip Fuoristradë me targë AA 991 RA, i cili po tërhiqte një mjet lundrues tip Gomone me 3 motorë "Mërkuri" 350 KF secili.

Gjatë kontrollit të ushtruar në mjetin tjetër tip furgon me targë AA 822 DE, u konstatuan 52 paketime me mbështjellje plastike dhe 10 çanta sportive me kanabis.

Policia vijon operacionin për arrestimin e trafikantëve të drogës.