Një aksioni policor ka nisur që në orët e para të mëngjesit për të larguar banorët, që kanë vite që jetojnë konviktete e Universiteti Bujqësor të Kamzës. Mësohet se banorët kanë bërë rezistencë.
Aksioni po mbikqyret nga vetë Ministri i Brendshëm Saimir Tahiri dhe nga kreu i ALUIZNIT-it, Artan Lame.
Ndërsa IIKMT ka nisur shembjet e disa godinave të ngritura në territorin e kampusit universitar.
Ky aksion u paralajmërua nga Kryeministri Edi Rama rreth një muaj më parë, në ceremoninë e 65 vjetorit të Universitetit Bujqësor të Tiranës.
Në nëntor Rama njoftoi se "do të çelë pas 20 e kusur vitesh rrënimi e zaptimi të kësaj qendre të dikurshme të ekselencës, rrugën e rilindjes përmes transformimit në një kampus bashkëkohor universitar; ku duhet të bjerë në sy ajo që është edhe mrekullia vetë e natyrës, kultuvimit të tokës, prodhimit bujqësor e blegtoral, zhvillimit rural në tërësi."
E në fakt kjo po ndodh por ajo që s’dihet është se nuk dihet se ku do të jetojnë qindra banorë të këtyre godave që në fakt paguajnë qera prej vitesh.