Në Vlorë është gjetur një makinë e shkrumbuar. Ngjarja është regjistruar gjatë orëve të para të ditës së sotme. Sipas të dhënave të uniformave blu të qytetit bregdetar të Vlorës, ka qenë një telefonatë në sallën operative që ka sinjalizuar policinë e qytetit bregdetar, se mjeti ndodhej i shkrumbuar në lagjen “24 Maji”. Me të mbërritur në vendin e ngjarjes, agjentët kanë konstatuar se bëhet fjalë për një “Mercedes Benz” me targë “AA 131 RX”, pronë e shtetasit me inicialet A.L, 30 vjeç. Një grup hetimor i ngritur po punon për zbardhjen e rrethanave të ngjarjes.