Investitorët shqiptarë kapërcejnë kufijtë me projekte të rëndësishme zhvillimi. Bëhet fjalë për ‘Balfin Group’, i cili ka shtrirë investimet në Maqedoni nëpërmjet projektit ‘Skopje East Gate’, një investim me vlerë prej 350 milion euro. Në një ceremoninë të posaçme u prezantua vizioni i ri për Shkupin, ndërsa presidenti i ‘Balfin Group’ Samir Mane paraqite avantazhet e këtij projekti. 

Samir Mane:
“Skopje East Gate (SEG)është investimi i përveçëm privat më i madh në Maqedoni që do të krijojë mundësi të mëdha biznesi, do të garantojë një punësim të shkëlqyer, do të forcojë tregtinë, do të tërheqë firmat botërore si dhe do të ofrojë një qasje të re të jetesës në qytet.”
Projekti ‘Skopje East Gate’ është mirëpritur edhe nga krerët më të lartë të qeverisë në Shkup.
Zoran Zaev:
“Skopje East Gate është një projekt jashtëzakonisht i rëndësishëm jo vetëm për Shkupin, por për të gjithë vendin”.
Projektit Skopje East Gate parashikon të ndërtohet brenda 7 vitesh, dhe ndodhet vetëm 2 kilometra larg qendrës së kryeqytet në Shkup. Projekti parashikon ndërtimin e 10 blloqeve me komplekse rezidenciale dhe 5 blloqe ndërtesash për qëllime biznesi, një qendër tregtare me dhe mbi 2.000 vende të reja pune. Skopje East Gate planifikohet të ndërtohet në një hapësirë prej 143.000 metrash katrorë, në të cilën do të ngrihen 458.000 metra katror ndërtim.