I dyshuari i akuzuar për vrasjen e James dhe Denise Closs, dhe rrëmbimin e vajzës së tyre 13-vjeçare, e pa Jayme kur po po hynte në një autobus shkollor, ndërsa ishte duke shkuar rrugës për në punë. Prokurori i Qarkut Barron tha se i pandehuri deklaroi se, kur pa (Jayme) ai e dinte se ajo ishte vajza që do të rrëmbente. Por Jake nuk e njihte atë dhe as emrin e saj nuk e dinte derisa e rrëmbeu. E mësoi emrin e saj dhe të prindërve nga programet e lajmeve dhe postimet e mediave sociale pas vrasjeve. Jake Patterson, 21 vjeç, bëri paraqitjen e tij të parë, në gjykatën e Barronit, të hënën për t'u përballur me akuzat për vrasje me dashje, rrëmbim dhe vjedhje të armatosur. Gjykatësi James C. Babler vendosi kushtin e lënies në liri të Patterson për 5 milionë dollarë dhe urdhëroi që një mostër ADN të merret prej tij. Gjykatësi gjithashtu urdhëroi që Patterson nuk mund të posedonte armë zjarri dhe nuk mund të kontakt me fqinjët e tij, të cilët ishin të përfshirë në ikjen e Jayme. Patterson u shfaq në seancën dëgjimore. Ai përballet me burgim të përjetshëm nëse dënohet për akuzën për vrasje. Data e seancës së ardhshme në gjykatë është caktuar 6 shkurt.

Të enjten e kaluar, Jayme u gjet e gjallë rreth 70 milje nga shtëpia e saj në Wisconsin veriperëndimor. Patterson akuzohet për goditjen dhe vrasjen e prindërve të Jayme para rrëmbimit të 13-vjeçares nga shtëpia e saj më 15 tetor.
Por, pasi u zhduk për 88 ditë, Jayme u gjet duke ecur poshtë një rruge në Gordon, Wisconsin, në mot të ftohtë pa një pallto dhe doreza. Ajo kishte ikur nga shtëpia ku zbatimi i ligjit thotë se po mbahej, dhe u afrua te një grua që po nxirrte shëtitje qenin e saj. Kjo grua pastaj mori Jayme në një shtëpi aty pranë dhe thirri policinë.

Patterson u tha hetuesve se ai kishte qenë afër shtëpisë së Jayme, dy herë para 15 tetorit me qëllimin për ta për ta rrëmber atë. Një javë më parë, ai kaloi afër shtëpisë, por u frikësua sepse pa shumë makina në rrugën me pemë, dhe një ose dy ditë më vonë, ai shkoi përsëri në shtëpinë e Closs. Por pa se dritat ishin ndezur dhe se njerëz po ecnin përreth banesës, prandaj vendosi të mos kalonte në zbatimin e planit.
Më 15 tetor, Jayme u tha hetuesve se ajo u ngrit për të mësuar se përse qeni i saj po lehte dhe pa një automjet që po afrohej në rrugën e tyre. Ajo shkoi dhe zgjoi nga gjumi prindërit. Babai shkoi të hapte derën ndërsa ajo dhe nëna e saj u fshehën në banjë. Nëna e saj e mbajti të përqafuar. James u godit në derë me armë sapo e hapi atë. Nëna e saj mori në telefon 911, por Patterson theu derën e banjës dhe i tha asaj që të ulte poshtë telefonin. Ai i kërkoi Denisës që ti vinte një ngjitës mbi gojën e Jayme, por ajo luftoi duke mos pranuar ta bënte. Rrëmbyei pastaj e vuri ngjitsin rreth gojës së Jayme, e lidhi atë duar dhe këmbë, dhe pastaj qëlloi për vdekje nënën e saj. Ai e tërhoqi atë jashtë e futi në bagazhin e makinës dhe e çoi atë në shtëpi. Jayme deklaroi se dëgjoi sirenat e dy makinave të policisë që po ecnin drejt shtëpisë.
Pasi Jayme u rrëmbye i dyshuari mori rrobat e saj dhe sende të tjera dhe i shkatërroi ato për të fshehur provat. Jayme u tha hetuesve se Patterson do ta bënte të fshihej nën shtratin e tij të dyfishtë në dhomën e gjumit, kur ai kishte miq ose të afërm, duke përfshirë edhe vizita të përsëritura nga babai i tij. I dyshuari "e bëri të qartë se askush nuk do ta dinte se ajo ishte atje ose gjëra të këqija do t'i ndodhnin asaj", thotë padia. Kur ajo ishte nën shtratin e tij, ai i grumbullonte mjete të rënda dhe kazanët e rrobave rreth krevatit me peshë të vendosur mbi të kështu që ajo nuk mund t'i lëvizte pa u vënë re. "Një herë, (Jayme) deklaroi se aksidentalisht kishte zhvendosur një prej objekteve kur ai i tha të fshihej nën shtrat dhe Patterson i tha asaj, se diçka e keqe do të ndodhte nëse do ta bënte përsëri."

Në një rast, i dyshuari e goditi atë me të vërtetë fort në shpinë, me atë që ajo e përshkroi si një dorezë për diçka që përdoret për pastrim, kur u zemërua me të. I dyshuari gjithashtu vendoste muzikë në dhomën e tij kështu që ajo nuk mund të dëgjojë se çfarë po ndodhte nëse kishte ndonjë njeri tjetër në shtëpi. Pas tre muajsh në robëri, më 10 janar, ai i tha Jayme se do të largohej për pesë deri në gjashtë orë dhe e bëri të shkonte nën shtrat. Kur u largua, ajo i shtyu peshat larg shtratit, veshi një palë këpucë dhe shkoi nga shtëpia drejt një gruaje që po shëtiste një qen. Në rrëfimin e tij ndaj policisë, Patterson shpjegoi se si ai mori një numër hapash për të kryer planin e tij dhe fshehu identitetin e tij. Ai vodhi një palë targa dhe i vuri në automjetin e tij, sepse nuk donte që targat e tij të ishin të ndotura. 21-vjeçari gjithashtu shkëputi dritën e kupolës së automjetit në mënyrë që ai të mos dukej kur të hapte derën. Përveç kësaj, përdori doreza, kështu që nuk do të kishte asnjë shenjë apo gjurmë në pushkën që përdori. Ai gjithashtu e rruajti fytyrën dhe kokën para rrëmbimit, në mënyrë që të mos linte prova të ADN-së, në vendin e ngjarjes. Kur arriti në shtëpi më 10 janar, pasi pa se Jayme nuk ishte nën shtratin e tij, ai u fut në makinën e tij dhe u përpoq ta gjente. Po kur u kthye në shtëpi, u takua me policinë.