Ditën e mërkurë në mbyllje të emisionit të tij në IN Radio 105.7 kujtoi premtimin që i kishte bërë kryetarit të Bashkisë, Erion Veliaj, që do të mbillte disa pemë për Tiranë dhe mesa duket Sokol Balla e ka mbajtur fjalën e dhënë.

Ditën e sotme moderatori ka dhuruar 40 lisa për Parkun e Farkës dhe së bashku me Erion Veliaj dyshja kanë mbjellë pemët në kuadër të shtimit të hapësirave të gjelbëra për kryeqytetin.

Erion Veliaj ka vendosur ta falenderoj Sokol Ballën me një status publik në facebook për xhestin human duke i uruar edhe ditëlindjen moderatorit.

“Edhe 100 Sokol Balla

TV janë plot me gjithologë që japin mend për çdo temë e për gjithkënd, por janë të rrallë ata që bëjnë atë që thonë. ?

Të falenderoj që na dhurove mbi 40 lisa për Parkun e Farkës! Zoti ta shtoftë inotin - si thoni ju tironcit - për ditëlindjet e tjera.”

IN Tv i uron edhe 100 pranvera të lumtura Sokol Ballës.