Sot do të zhvillohet Samiti i Berlinit. Në këtë Samit marrin pjesë liderët e Ballkanit Perëndimor dhe kancelarja Angela Merkel dhe Presidenti francez, Emmanuel Macron, të cilët dhe kanë bërë ftesën për takim.

Kancelarja gjermane, Angela Merkal do të ketë takime me secilin kryeministër, mes të cilëve edhe Edi Ramën. Kryeministri shqiptar shoqërohet nga ministri në detyrë për Punët e Jashtme, Gent Cakaj.
Sipas axhendës, kancelarja do të mbajë një diskutim të shkurtër dypalësh me Presidentin francez Macron, pasuar nga deklaratat për shtyp.
Për Kosovën e Serbinë ka një specifik pasi në në Samit marrin pjesë jo vetëm kryeministrat, Ramush Haradinaj dhe Ana Bërnabiç, por edhe dy Presidentët, Hashim Thaçi dhe Aleksandër Vuçiç.
Ky samit i thirrur me ftesë të kancelares Angela Merkel dhe Presidentit francez, Emmanuel Macron është në vijim të nismës për heqjen e barrierave në rajon, dialogu Kosovë-Serbi, taksa e Prishtinës për mallrat serbe, investimeve, por edhe të integrimit në familjen europiane.