Studentët e Universitetit të Gjirokastrës janë përplasur me kryeministrin Rama për largimet e të rinjve nga vendi. E teksa e mohoi fenomenin, kreu i qeverisë fajësoi mediat, duke i etiketuar sërish si kazan që fabrikojnë fakte të paqena.

Studentja: Po ikin të rinjtë në Gjermani.

Rama: Nuk është e vëtetë. Largimet në Gjermani janë një legjendë, ikjet nga Shqipëria janë të pavërteta, janë historira kazani. Ku e sheh ti që po ikin?

Studentja: Po shikoj njerëzit e mi që po ikin, po shoh realitetin. Po shoh në spitale. Po ikin infermierët në Gjermani.

Rama: Ku e sheh, gjithë popullin e ke mik?

Studentja: Po shoh realitetin.

Rama: E kam problem insistimin në padije.

Duke u përgjigjur për shqetësimet për mungesën e financave në universitete, Rama tha se buxheti nuk është përgjigje për çdo nevojë. Ai la të kuptohet se po shkohet drejt vetëfinancimit të universiteteve.
“Buxheti i shtetit nuk është përgjigjja për çdo nevojë financiare. Duhet të jetë pjesë e përditshme angazhimi i studentëve dhe pedagogëve për të nxjerr para”, tha ai. Ndërkohë, vetëfinancimi mund të rikthejë debatet mes drejtuesve të universiteve dhe qeversë.