Rikthehen shpërthimet me tritol në vendin tonë. Rreziku i shpërthimit me tritol, tashmë ka ardhur pranë banesave të qytetarëve. Mësohet se pak orë pas mesnate një shpërthim me tritol është regjistruar në Tiranë rreth orës 01:30 në rrugën “Margarita Tutulani”, në katin e pestë të pallatit “Riviera”. Policia thotë se si pasojë e shpërthimit fatmirësisht ka pasur vetëm dëme materiale dhe është dëmtuar ashensori i pallatit. Për mrekulli ka shpëtuar një banore e pallatit, e cila në momentin e shpërthimit ka qënë në korridor. Mësohet se nga forca shpërthyese banorja është përplasur pas një dere dhe është rrëzuar bashkë me të, por fatmirësisht ka dëmtuar vetëm dëme të lehta.
Ndërkohë mësohet se policia ka sekuestruar kamerën e një pallati që ka mundur të fikësojë momentin e vendosjes së eksplozivit. Sipas burimeve pranë uniformave blu, thuhet se në kamera duket një person i maskuar, i veshur me të zeza, i cili vendos afër banesës së shtetasit Naim Kocari një sasi lende eksplozive të tipit tritol, të lidhur me një fitil. Pas kësaj ai është larguar me shpejtësi. Policia ka marrë në pyetje pronarin e banesës ku iu vendos tritoli, i cili ka deklaruar të mos ketë konflikte me asnjë person. Gjithashtu janë pyetur edhe banorët e pallatit.