Duket se skandalet seksuale me të mitur janë përhapur gjerësisht në rajon. Në vendin tonë u regjistrua ngjarja në Kavajë, në Kosovë një 16-vjeçare është abuzuar nga mësuesi dhe polici.

Dhe rasti i radhës vjen nga Serbia.

Sipas mediave serbe bëhet fjalë për një nënkryetar komune i cili ngacmon seksualisht një 15 vjeçare. Mediat serbe shkruajnë se nënkryetari i Komunës Boro, Branko Peric rrezikon tre vite burg pasi autoritetet serbe kanë ngritur një padi ndaj tij nën dyshimet për ngacmime seksuale të rënda.

Në rrjetet sociale janë publikuar edhe disa foto, ku shihet zyrtari i kësaj komune që puthet me një 15-vjeçare dhe e përqafon e prek atë në vende intime.

‘Novosti’ shkruan se nënkryetari i komunës është 60-vjeç, dhe për këtë rast ka dhënë edhe dëshminë e tij para Prokurorisë në Serbi. Ai ka thënë se fotot janë realizuar me dëshirë dhe pa forcë.