Një 21-vjeçar shqiptar ka humbur jetën në orët e para të mëngjesit të sotëm në Itali si pasojë e një aksidenti automobilistik.
Media lokale ‘La Voce di Mantova’ raporton se ngjarja ka ndodhur në rrugën “Marengo a Goito”, në komunën Mozzecane ku viktimë mbeti drejtuesi i mjetit, ende i paidentifikuar.
Shqiptari po shkonte në punë me makinën tip “Peugeot 206” me targë “DA 012 DX”, por dyshohet se ka humbur kontrollin në një pjesë të drejtë rruge.
Makina përfundoi anës rrugës para se të rrotullohej disa herë. Ende nuk dihen rrethanat e aksidentit, ndërsa po punohet për zbardhjen e ngjarjes.
2 Nov 2024 
