Rikthehen paralajmërimet me tritol. Mëngjesin e kësaj të mërkurë në qytetin bregdetar të Vlorës një makinë e parkuar pranë komisariatit ka ngjallur dyshime. Sipas të dhënave të para thuhet se poshtë makinës është vënë re një objekt, i cili ka ngjallur dyshime se është vendosur lëndë eksplozive. Forcat xheniere ndodhen pranë makinës ku flitet se brenda ka një sasi eksplozivi. Ngjarja po ndodh në lagjen "Kushtrimi" të qytetit të Vlorës dhe e gjithë zona ku ndodhet dhe Drejtoria e Policisë së Vlorës është e rrethuar.
Ajo që dihet momentalisht është se automjeti në të cilën dyshohet se ka eksploziv është një ‘BMË’ me targa AA 895 TX.
Policia po tregohet shumë e rezervuar lidhur me atë që po ndodh dhe shumë detaje janë ende të paqarta.
Gjatë natës ata kishin ndaluar pronarin e makinës në Fier. Më pas mendohet se ky ka treguar dhe për sasinë e eksplozivit në makinë.
Policia ka rrethuar zonën prej orës 06:00 të mëngjesit ndërsa forcat xheniere mbërritën aty rreth orës 08:00.